2013年2月19日 星期二

詩興大發的大師兄


盧廉若花園癸巳新春蘭花展

今日開工大吉,蛇年的第一個工作日,精神狀態還未回復過來,大家好似着咗遊魂衣,仲停留喺休閒的假期裏。不過,好彩同事外遊返嚟,不斷收到小禮物,增加正能量。

正因忙到甩碌,唔知做得邊樣嘢好,連WhatsApp都唔得閒睇,大師兄就在這時詩興大發,在WhatsApp群組裏出了一個上聯,請師弟、師妹對其下聯。

大師兄的上聯是:大師兄是大詩兄詩興大

大家對的下聯是:
       1) 小師妹是小詩妹詩興小 (大師兄話有啲翻版)
       2) 老行尊是老航尊航資老 (大師兄沒有表態)
       3) 高材生是高財生財星高 (大師兄話漸入佳境)
       4) 小淫婦是小吟婦吟夫小 (此句一出,哈哈大笑的表情符號不斷發出。大師兄話千奇唔好將大詩兄配小淫婦,佢自己都笑埋一份,哈! )

跟住,大師兄仲問大家,要不要來個對聯比賽?
我        :大師兄,恐怕對不上喎。
大師兄:玩吓啫。

如果大家有興趣,也可以為大師兄對其下聯玩吓。

4 則留言:

  1. 對聯真是困難,但玩一下也無妨.

    小蠻腰是小曼腰曼麗小

    回覆刪除
  2. 對聯講求對仗工整,不是易事。所以大家都係玩吓,笑吓。

    回覆刪除
  3. 係呀,又要相對又要平仄,當中涉及很多學問。

    回覆刪除